我哋企劃每年舉辦嘅「升級再造青年木工班」一直都好受歡迎，直至上年底，曾參與木工班嘅青年學員已經有超過200名。當中2022年嘅畢業生 – Peggy，從事藝術工作嘅佢，喺完成木工基礎同進階班後並無停落嚟，而係繼續跟導師鑽研木工藝，希望可以進一步提升自己嘅木工藝水平。佢仲學以致用，聯同其他畢業生組成團隊，充當木工體驗工作坊導師，教導大小朋友製作簡單嘅木作品，藉以將呢門傳統工藝一直承傳落去！ 小編都係唔講咁多，大家一齊去片聽吓Peggy點講啦!
我哋企劃每年舉辦嘅「升級再造青年木工班」一直都很受歡迎，直至上年底，曾參與木工班嘅青年學員已經有超過200名。其中一位畢業生 – Jade，佢完成木工基礎同進階班後無就咁停落嚟，而係繼續跟導師鑽研木工，更聯同木工班嘅其他畢業生組成木藝導師團隊，透過不同嘅木工體驗工作坊，教導大小朋友簡單嘅木工製作，希望可以將木工工藝傳承落去！ 小編都係唔講咁多，大家一齊去片聽吓Jade點講啦!
「升級再造青年木工班」嘅學員真係多才多藝，當中有啲學員仲具有藝術背景，喺學習木工藝就可以多加一點藝術元素，而Peggy就係其中一位。Peggy本身係讀藝術設計出身，並從事與藝術相關嘅工作。佢本身對3D及木工嘅接觸唔多，透過參觀古洞志記鎅木廠，發現香港從前嘅木業係好興盛，就對木藝產生咗興趣，當見到木工班招生就即刻抓緊機會報名。 Peggy覺得「升級再造青年木工班」背後嘅開班理念別具意義，學員既可以學到一門新技能，將木工藝傳承落去，又可以將廢木升級再造為實用木作品，捐贈畀有需要人士，係木藝、環保、愛心三方面嘅傳承。 Peggy好高興咁講：「上完木工班後，我好開心認識到一班志同道合嘅朋友，原來對木工藝有興趣嘅人可以嚟自唔同年齡同職業。我最開心係學到傳說中嘅入榫技術，原來冇想像中咁難，不過絕對係需要時間摸索同磨練嘅一門學問。」 Peggy好希望可以繼續學習木工藝，所以上完木工基礎班後，Peggy毫不猶欵咁繼續報讀木工進階班，仲喺畢業後繼續跟導師李Sir鑽研木工藝。Peggy希望可以繼續提升自己嘅木工藝水平，仲可以學以致用，將呢門傳統工藝一直承傳落去。
「升級再造青年木工班」嘅學員來自各行各業，其中畢業生Jade係一名樹藝師，佢每日都會接觸到新鮮或啱啱被砍伐嘅樹木，但就比較少接觸已經過處理嘅木材，而報讀木工班就令佢有機會多面向咁了解唔同樹木嘅特性同材質。 Jade話木工班令佢獲益良多，不單學識因應木材特性同材質去製作唔同種類嘅木作品、學識一門新手藝等等，仲培養到耐性，Jade好開心日後自己都可以嘗試修復屋企嘅舊家具添！ Jade覺得將親手製作嘅木作品捐贈畀有需要人士係一件好有意義嘅事：「我哋嘅木作品，例如層架、茶几等，都係為有需要人士度身設計同製作㗎！希望基層市民收到之後會鍾意同感受到我哋嘅心意。」 喺木工班畢業後，Jade無就咁停落嚟，而係繼續跟導師李Sir鑽研木工，希望進一步鞏固同提升自己嘅技藝。佢仲好開心咁分享，同木工班嘅其他畢業生就好似一個團隊咁，較早前仲一齊為小學生舉辦輕木工體驗工作坊，希望小朋友可以透過富趣味嘅方式接觸木藝，第時大個一齊將木藝傳承落去！
我哋企劃每年舉辦嘅「升級再造青年木工班」一直都很受歡迎，直至上年底，曾參與木工班嘅青年學員已經有超過200名。其中一位畢業生 – 阿花，佢完成木工基礎同進階班後，唔止繼續跟隨導師深造木工，又開始輔助導師指導「師弟妹」一啲基礎木工技巧，仲有機會成為工作坊導師，教導參與嘅公眾製作簡單木製品。她表示透過參與木工班，不單增進咗佢喺木工藝上嘅知識，認識到一班志同道合嘅同伴，而且透過將木製品捐贈予社福機構，仲可以惠澤社群，希望可以感染身邊人將木工精神傳承落去。 小編都係唔講咁多，大家一齊去片聽吓阿花點講啦!
© 2024 賽馬會樹木再造青年共創計劃 All Rights Reserved.
Web Design By East Technologies
