2023年「樹木再造」年度展設計師 — Mani & Yin 2023年「樹木再造」年度展已經圓滿結束，今次展覽以「人樹共融」為主題 ，喺賽馬會 – 長春社綠滿林廊及銅鑼灣時代廣場進行為期約8星期嘅巡迴展覽，希望參觀者都可以對本地樹木、升級再造及可持續發展概念有更多認識。充滿著自然氛圍嘅木造空間令參觀者可以享受片刻嘅放鬆和平靜。大家係唔係好奇背後嘅展覽設計師係邊位呢？ 大家勢必估唔到今次展覽設計係出自2位年紀輕輕嘅香港知專設計學院學生嘅手筆，分別係就讀21-23屆傢俱及時尚產品設計高級文憑課程嘅張敏莉(Mani)同馮芷彥(Yin)。喺前期設計構思上，2位都花咗唔少心思。Yin表示希望透過加入與樹木形態相關嘅元素，呼應展覽「人樹共融」嘅主題，讓參觀者步入展覽當刻就立即聯想起樹木，真切感受到樹木同設計工藝融合所產生嘅火花，同樹木嚟一場獨特而難忘嘅交流。Mani補充道：「除此之外，我哋將展區劃分為『本地樹木』、『轉化再造』、『社會共創』三大展區，參觀者可以由淺入深咁去了解人與樹木之間嘅聯繫同咩係升級再造，希望傳達『將本地樹木變成社會珍寶』嘅訊息予公眾」。 （待續）
木工基礎及進階班 Class C & F 嘅同學特別為香港路德會社會服務處 HKLSS 服務嘅基層家庭製作嘅實用多功能百寶箱、入榫收納凳及回收酒箱木製收納盒 已經完成啦，12月嘅時候仲由我哋企劃同事代表捐贈予香港路德會社會服務處。
東涌天主教學校(中學部) 喺2023年新學年時領取了我哋 #中小學校園願木計劃 嘅「願・木」Wood Kit 材料包，為中四級同學舉辦DIY回收木設計工作坊。同學仔發揮創意，加上小小心思，將回收木條升級再造為卡片架，連同心意卡一併送畀老師。 2024年中小學校園「願・木」計劃預計將於3、4月展開，歡迎各位老師查詢今年計劃嘅詳情，並且提前報名免費預留材料包！「願・木」計劃嘅主要目的係透過親身參與「升級再造回收木」，讓同學們認識及體驗到如何實踐可持續生活。我哋會將「願・木」Wood Kit 材料包送到參與嘅中小學，分派畀同學進行二次創作。 希望同學們可以認識到回收木嘅價值，更可以發揮創意，親手將回收木條升級再造，DIY 成既實用又美觀嘅物品，賦予回收木二次價值。 如果老師想了解更多有關「願・木」計劃嘅詳情或有興趣提早報名免費預留 「願・木」Wood Kit 材料包，可以致電 3928 2475 或電郵至 hkdi.treeup@vtc.edu.hk 同我哋聯絡﹗
木工基礎兼進階班 Class F 嘅同學為參與香港青年協會賽馬會祥華青年空間活動服務嘅青少年製作嘅魯班鎖，已經喺12月由我哋企劃同事代表捐贈。
25/11嘅木製十字劍球工作坊已經順利完成! 多謝環保爸爸的設計生活Norman教一眾參加者利用回收木條，結合唔要嘅水樽蓋、木球、高爾夫球等，製作出睇得又玩得嘅環保十字劍球，真係童年回憶返晒嚟呀! Norman仲同大家分享咗用廢棄水管造嘅牧童笛，更即席吹奏一曲，大人同小朋友都覺得好amazing啊! 鳴謝場地協作伙伴： 長春社 城市林務教育中心 — 賽馬會 - 長春社綠滿林廊
© 2025 賽馬會樹木再造青年共創計劃 All Rights Reserved.
Web Design By East Technologies
