「木匠201」木工進階班 已經圓滿結束!同學仔好用心咁整咗木燈、木櫈、木藥盒及木櫃畀有需要人士!另外,佢哋以小組形式為和悅會 Woopie Club 嘅跨代學習平台 — 沒有年齡的課室 A Classroom Without Age 度身設計層架及鞋架,供長者及幼兒放置室內拖鞋及益智遊戲!早前由我哋企劃嘅同事作為代表捐贈!
較早前,我哋捐贈「#木匠101」#木工入門基礎班 成品畀社福機構 和悅會 Woopie Club 沒有年齡的課室 A Classroom Without Age及 牛頭角區街坊福利會 ,今次去到 香港心理衞生會 立人坊 及 循道愛華村服務中心社會福利部!希望立人坊嘅學員及愛華嘅服務使用者透過木工班同學親手整嘅 #全人手製入榫小木櫈 及 #手提工具箱,感受到對佢哋嘅關愛!
上個星期我哋去到 佛教大光慈航中學 Buddhist Tai Kwong Chi Hong College 舉辦中小學校園「願・木」計劃 — #DIY回收木設計工作坊!邀請到 InnoSphere 產品設計師Maurice為同學仔講解點樣運用創意加技巧,將回收木轉化為可再用同美觀嘅產品!Maurice仲帶咗佢最新設計嘅 #HAMDAMA - 啟發自傳統劍球嘅技巧玩意,畀同學、老師試玩,大家都覺得好玩又抒壓!
前排 迦密愛禮信中學 Carmel Alison Lam Foundation Secondary School 中六級嘅同學仔嚟咗 HKDI - Hong Kong Design Institute 參加我哋中小學校園「願・木」計劃嘅 #DIY回收木設計工作坊!今次嘅工作坊係喺學校工場舉辦,同學仔第一次嘗試運用工場嘅工具鋸木、揼釘及黏貼,全新體驗!
今年最後2場親子輕木工體驗工作坊 - 回收木迴力車及樹枝風鈴工作坊順利完成!小朋友親手體驗打磨及黏合,化成一個小木工!係等待白膠漿乾透嘅時候, 導師環保爸爸的設計生活仲準備咗唔同嘅環保玩意畀小朋友玩,例如:雪條棍手槍、廁紙筒十字劍球、紅酒木箱製的乒乓球拍等,玩得開心之餘,仲了解到點樣將環保及升級再造融入生活當中!
© 2024 賽馬會樹木再造青年共創計劃 All Rights Reserved.
Web Design By East Technologies