木工基礎兼進階班 Class F 嘅同學為參與香港青年協會賽馬會祥華青年空間活動服務嘅青少年製作嘅魯班鎖，已經喺12月由我哋企劃同事代表捐贈。
25/11嘅木製十字劍球工作坊已經順利完成! 多謝環保爸爸的設計生活Norman教一眾參加者利用回收木條，結合唔要嘅水樽蓋、木球、高爾夫球等，製作出睇得又玩得嘅環保十字劍球，真係童年回憶返晒嚟呀! Norman仲同大家分享咗用廢棄水管造嘅牧童笛，更即席吹奏一曲，大人同小朋友都覺得好amazing啊! 鳴謝場地協作伙伴： 長春社 城市林務教育中心 — 賽馬會 - 長春社綠滿林廊
非常感謝 Y PARK 「林 ‧ 區」邀請我哋出席12月12日[林 • 區]之友頒獎典禮，並頒贈「創新應用園木再生伙伴大獎」予我哋企劃。我哋企劃於未來會繼續加油，積極為園木廢物再生作出貢獻，同 Y PARK 林 區 一齊為香港邁向碳中和嘅目標而努力！
25/11嘅木製一弦結他工作坊已經順利完成! 多謝環保爸爸的設計生活 Norman教大家利用回收木床板，結合唔要嘅鐡罐，例如月餅罐、曲奇盒，製作出睇得又彈得嘅環保一弦結他。原來除咗結他，仲有好多玩意都可以利用環保物料製作㗎。參加者即場試玩咗其他由Norman設計嘅環保小玩意，例如紅酒木箱製乒乓球拍、雪條棍手槍、回收木製弓箭等，大家玩得開心之餘，仲了解到點樣將環保同升級再造融入生活當中，真係超級盡興! 鳴謝場地協作伙伴： 長春社 城市林務教育中心 — 賽馬會 - 長春社綠滿林廊
我哋企劃嘅中小學校園願木計劃 於10月18日去到皇仁書院，為中二嘅同學舉辦咗DIY回收木設計工作坊。同學們發揮佢哋嘅無限創意同想像力，將回收木條整成唔同嘅物品，包括書本閱讀架、手機座、筆筒等等，真係美觀實用兼備。老師仲喺眾多作品之中，挑選咗幾件極具創意嘅作品喺我哋企劃嘅年度展覽中展出添！
© 2024 賽馬會樹木再造青年共創計劃 All Rights Reserved.
Web Design By East Technologies
