賽馬會「樹木再造」青年共創企劃本年度嘅「人樹共融・永續社區」專題講座及分享會已於11月15日圓滿舉行。多謝一眾演講嘉賓為我哋分享樹木升級再造及社區永續發展嘅理念，相信各位參加者都對本地樹木、升級再造有更多嘅認識，獲益不少。 再次感謝一眾演講嘉賓嘅寶貴分享及環保爸爸為我哋主持今次嘅講座同分享會 ▶香港特別行政區政府發展局園境及樹木管理組助理秘書長 (綠化及園境) Mr Jason WONG ▶木雕及視覺藝術師兼樹後生活創辦人Mr Parry LING ▶LAAB 聯合創辦人及建築總監Mr YIP Chun Hang ▶DOSHA woodcraft聯合創辦人及總監Ms Oliver KAN ▶木工工藝師兼重光造作創辦人Mr Roy NG ▶主持人 環保爸爸的設計生活 Mr Norman MAK
唔知大家參觀咗我哋今年嘅「樹木再造」年度展未呢？未參觀嘅朋友就要快啦！位於深水埗長春社賽馬會長春社綠滿林廊 Green Hub嘅展覽將會展出至12月3號，12月5至18號年度展就會移師至銅鑼灣時代廣場。 今次展覽以「人樹共融」社會理念為主題 ，希望大家可以對樹木升級再造及可持續發展嘅概念有更多嘅認識。除咗展示我哋企劃今年嘅活動成果，例如木工班和輕木工工作坊嘅作品，亦會介紹本地木工工藝及木匠，仲會首次展出中小學校園願木計劃參與中、小學校嘅學生作品。咁精彩嘅內容，千其唔好錯過，快啲嚟參觀啦！ 「樹木再造」年度展 日期：即日 – 3/12/2023 時間：11:00am – 5:00pm 地點：賽馬會 – 長春社綠滿林廊 九龍深水埗欽州街西26號 (南昌地鐵站D1出口對面) 參觀費用全免，無須預約 特別鳴謝：場地協作伙伴 – 賽馬會 - 長春社綠滿林廊
「樹遊香港」#虎地坳村綠色導賞團 第五團順利完成! 由香港知專設計學院 HKDI - Hong Kong Design Institute HKDI Landscape Architecture 園境建築高級文憑講師Vega、村民列哥、植物專家小燕、樹藝師Mirage及建築師Solomon擔任導賞員，帶領團友深入虎地坳村，了解本地樹木品種及生態，唔少團友大讚虎地坳村嘅植物及生態資源豐富，同埋具有深厚嘅歷史底蘊，表示2個鐘嘅導賞團真係唔夠喉，想睇耐啲啊!
「樹遊香港」虎地坳村綠色導賞團第四團順利完成! 由香港知專設計學院 HKDI - Hong Kong Design Institute HKDI Landscape Architecture 園境建築高級文憑講師Vega、村民協哥同列哥，以及植物專家小燕擔任導賞員，帶領團友深入虎地坳村，了解本地樹木品種及生態。今次我哋好好彩遇上鳳眼藍開花，開滿成個漁塘，形成一大片淡紫色花海，靚到大家不禁瘋狂打卡!
木工基礎及進階班 Class B & E 嘅同學特別為香港路德會社會服務處 HKLSS 服務嘅家庭製作嘅實用橫榫小木櫈、木製收納盒 及 紅酒箱木製廁紙盒 已經完成啦，9月尾嘅時候仲由我哋企劃嘅同事代表捐贈予香港路德會社會服務處。
© 2024 賽馬會樹木再造青年共創計劃 All Rights Reserved.
Web Design By East Technologies
