英華小學參與咗我哋企劃嘅中小學校園願木計劃,6月份嘅時候視覺藝術科嘅老師將收到嘅「願・木」Wood Kit材料包分派畀小一及小二學生喺視藝堂嘅時候DIY佢哋嘅作品。同學仔雖然人仔細細,但創意無窮,將回收木條升級再造為唔同嘅物品,包括手機座、模型櫈、擺設等等,仲好比心機為作品上埋色添!
大家估唔估到中華基督教基真小學 同學仔嘅作品係咩呢?無錯啦!就係筆筒同涼亭!5月份嘅時候,中華基督教基真小學參加咗我哋企劃嘅中小學校園「願 ‧ 木」計劃,常識科及視覺藝術科嘅老師將「願・木」Wood Kit材料包分派畀小五同學喺課後活動時間創作佢哋嘅木製小品。除咗個人創作,同學仔仲以小組形式共同設計,發揮團隊精神,創意升級!
【活動回顧│#木工基礎兼進階班 Class E】 木工班Class E開班啦!由木碎好少年Chipgoodguy Studio創辦人之一Dave Ho Lok Chung擔任導師同學第一堂已經積極發問,非常好學啊! 同學初次體驗劃線同用鋸開木,大家都全情投入,好快上手呀。好期待佢哋之後製作出嚟嘅魯班鎖、紙巾盒同百寶箱啊!
【活動回顧│#木工基礎兼進階班 Class B】 木工班Class B已經正式開班啦 !
上星期一(10/7)我哋去到 #靈糧堂秀德小學,為全級小四同學舉辦 #中小學校園願木計劃 嘅 #DIY回收木設計工作坊 。今次工作坊以「手機座」為主題,鼓勵同學發揮創意,利用回收木設計同製作出獨一無二嘅手機座同學仔都非常投入,唔少嘅設計創意與實用兼備,仲有孝順嘅同學仔專登整嚟送畀爸爸媽媽,真係抵讚!
© 2024 賽馬會樹木再造青年共創計劃 All Rights Reserved.
Web Design By East Technologies