木工基礎班Class G嘅同學為循道衛理中心服務嘅社區家庭製作咗簡潔實用嘅木製紙巾盒，7月尾嘅時候由我哋企劃同事代表捐贈。
紙飛機係一個老少咸宜嘅玩意，家長同小朋友一齊玩仲可以增進親子關係！但手折嘅紙飛機總係飛唔遠，所以我哋木工基礎班 Class G 嘅同學為香港路德會社會服務處 HKLSS 服務嘅家庭製作咗木製紙飛機發射器，7月尾嘅時候由我哋企劃同事代表捐贈。大人細路都急不及待想試玩，睇吓邊架紙飛機飛得最高最遠！
英華小學參與咗我哋企劃嘅中小學校園願木計劃，6月份嘅時候視覺藝術科嘅老師將收到嘅「願・木」Wood Kit材料包分派畀小一及小二學生喺視藝堂嘅時候DIY佢哋嘅作品。同學仔雖然人仔細細，但創意無窮，將回收木條升級再造為唔同嘅物品，包括手機座、模型櫈、擺設等等，仲好比心機為作品上埋色添！
大家估唔估到中華基督教基真小學 同學仔嘅作品係咩呢？無錯啦！就係筆筒同涼亭！5月份嘅時候，中華基督教基真小學參加咗我哋企劃嘅中小學校園「願 ‧ 木」計劃，常識科及視覺藝術科嘅老師將「願・木」Wood Kit材料包分派畀小五同學喺課後活動時間創作佢哋嘅木製小品。除咗個人創作，同學仔仲以小組形式共同設計，發揮團隊精神，創意升級！
【活動回顧│#木工基礎兼進階班 Class E】 木工班Class E開班啦！由木碎好少年Chipgoodguy Studio創辦人之一Dave Ho Lok Chung擔任導師同學第一堂已經積極發問，非常好學啊! 同學初次體驗劃線同用鋸開木，大家都全情投入，好快上手呀。好期待佢哋之後製作出嚟嘅魯班鎖、紙巾盒同百寶箱啊！
© 2024 賽馬會樹木再造青年共創計劃 All Rights Reserved.
Web Design By East Technologies
