「木匠101」木工入門基礎班 Class A & B 嘅同學仔好用心咁為基層兒童製作迴力車及運動機!小朋友收到後都玩得好開心!日前由我哋企劃嘅同事作為代表，捐贈成品畀牛頭角區街坊福利會 ，由社福機構代為贈送畀受眾作為中秋禮物!希望咁多位小朋友鍾意呢份中秋禮物!
「樹遊香港」北區綠色導賞團 第六團，亦都係今年度最後一團，順利完成!今團唔少團友帶埋專業相機，影低北區公園內嘅一草一木!希望大家從就讀 IVE Health and Life Sciences(Sha Tin) Tree Management 保育及樹木管理嘅學生生態導賞員 嘅樹木導賞中，學習分辨唔同樹木嘅樹葉!中午我哋去咗 獅藝館農莊茶座 Lion House Club 食Lunch，老闆同我哋分享傳統舞獅文化 !小朋友食完飯仲去咗隔離嘅小農場餵羊仔!下晝去咗參觀 志記鎅木廠Chi Kee Sawmill & Timber ，用相機去記錄低志記嘅一木一瓦，佢地將於9月13日清拆，如果有興趣自行前往嘅朋友仔，可以留意佢哋Facebook ! 今年嘅綠色導賞團反映非常熱烈，多謝大家嘅大力支持!所以我哋出年會繼續舉辦綠色導賞團，想知去邊睇樹？就記得like & follow我哋啦!
上星期六嘅回收木製機械人及弓箭工作坊順利完成！多謝環保爸爸Norman 教家長同小朋友利用回收木去共同創作出獨一無二嘅小玩意！ 一齊了解舊木材升級再造嘅價值同體驗創意設計嘅樂趣！家長大讚輕鬆好玩又有意義，希望我哋開多幾場！
Class C & D已經開班啦！李sir會教同學仔整全人手製入榫小木櫈、手提工具箱，成品將會轉贈畀有需要嘅社福機構，成件事係咪好有意義呢？☺️同學仔宜家好用心咁整緊張櫈仔，希望小朋友同長者坐得舒服又放心！BTW Studio仲有個迷你機艙畀同學仔放個Break抖吓，叉完電再努力開工！
「樹遊香港」北區綠色導賞團 第五團順利完成！原來今團有唔少團友係我哋嘅忠實Fans，報埋「#木匠101」#木工入門基礎班、#親子輕木工體驗工作坊，仲推薦畀好多朋友參加！多謝你哋嘅大力支持啊！希望大家從我哋 IVE Health and Life Sciences (Sha Tin) Tree Management 保育及樹木管理嘅 #學生生態導賞員 講解中了解更多本地樹木嘅知識，以及風水林同土地公與社區嘅關係！中午我哋去咗 獅藝館農莊茶座 Lion House Club 食Lunch，今次老闆有事唔係到，由佢嘅仔仔同我哋分享傳統舞獅文化，仲拎咗珍藏獅頭畀我哋打卡！下晝去咗參觀 志記鎅木廠Chi Kee Sawmill & Timber ，畀更多參加者認識傳統鎅木工業！
© 2024 賽馬會樹木再造青年共創計劃 All Rights Reserved.
Web Design By East Technologies
