「樹遊香港」#北區綠色導賞團 第三團順利完成！今團好多家長帶小朋友參加，接觸下大自然！我哋 IVE Health and Life Sciences(Sha Tin) Tree Management 保育及樹木管理嘅學生生態導賞員 準備咗Tree Hunt，小朋友答啱會有豐富嘅小禮物！中午我哋去咗獅藝館農莊茶座 Lion House Club食午飯，老闆好熱情咁同我哋介紹餐廳內嘅獅頭裝飾！天氣咁熱，唔少團友去咗 豆美味豆花園食凍豆腐花，支持香港本地小店！下晝去咗探訪志記鎅木廠Chi Kee Sawmill & Timber，畀更多公眾同家庭了解鎅木廠嘅歷史價值！ 多謝權哥呢三團嘅熱情招待，希望您鍾意我哋送嘅紀念品！小小心意！咁啱仲撞到 TVB東張西望嚟做採訪，主持訪問咗我哋嘅學生生態導賞員，同學仔從專業學科知識分享鎅木廠點樣成為人同樹木之間嘅橋樑！
估歌仔遊戲！大家知唔知係咩歌呢? 「木匠101」木工入門基礎班第二堂， 木碎好少年Chipgoodguy Studio Co-founder Dave Ho Lok Chung 教大家整紙帶式木製手搖音樂盒！最正係可以透過係紙條上打孔，播放自己鍾意嘅歌曲，或者自己編曲都得㗎！再唔係罐頭式嘅生日快樂歌／夢中的婚禮！
「樹遊香港」北區綠色導賞團 第二團順利完成！上上星期打風去唔成，好彩上星期天公作美！參加者都盛讚我哋IVE Health and Life Sciences (Sha Tin) Tree Management 保育及樹木管理嘅學生生態導賞員 準備充足、講解清晰，令大家更了解本地嘅原生古樹，對同學仔嚟講係好大嘅鼓勵！中午我哋去咗獅藝館農莊茶座 Lion House Club食午飯，老闆仲好熱情咁同我哋介紹餐廳內嘅獅頭裝飾！下晝去咗探訪志記鎅木廠Chi Kee Sawmill & Timber，如果大家有留意開佢哋同阡陌之間，就會知道志記將會被隨時清拆，今團好有可能係我哋最後一次去探佢哋。志記宜家誠邀社會各界人士去木廠購買木材，希望令木材得以重生，如果大家有興趣，歡迎去佢哋Facebook了解！
「木匠101」木工入門基礎班第一堂順利完成！由自己親手打磨、揼釘，成功製作發射器同陀螺，一齊鬥下，真係特別有滿足感！宜家社會物資富裕，想買爆旋陀螺可以去玩具舖，但木碎好少年Chipgoodguy Studio Co-founder Dave Ho Lok Chung 教我哋原來可以善用身邊嘅木資源，製作出獨一無二嘅玩具！仲可以送畀兒童社福機構，同小朋友一齊分享創作嘅樂趣！
「樹遊香港」北區綠色導賞團第一團今日順利完成！多謝各位咁投入參與！希望大家透過朝早喺北區公園由修讀 IVE Health and Life Sciences (Sha Tin) Tree Management 保育及樹木管理嘅學生生態導賞員講解嘅樹木導賞，對本地樹木品種多咗少少了解！中午我哋去咗獅藝館農莊茶座 Lion House Club食飯，好多打卡位，仲有羊咩咩添！下午去咗探訪香港歷史悠久嘅鎅木廠 — 志記鎅木廠Chi Kee Sawmill & Timber ，多謝權哥非常精彩嘅分享！
© 2024 賽馬會樹木再造青年共創計劃 All Rights Reserved.
Web Design By East Technologies
