6/7 嘅木製一弦結他工作坊已經順利完成,多謝環保爸爸的設計生活Norma 教大家利用回收木床板,結合唔要嘅鐡罐例如月餅罐、曲奇餅罐等,製作出睇得又彈得嘅環保一弦結他。參加者仲即場用自己親手整嘅一弦結他一齊彈奏一曲Twinkle Twinkle Little Star,真係好amazing,大家都好盡興,仲話唔夠喉,不斷「點歌」叫Norman教佢哋彈更多歌 !
本年度「樹遊香港」虎地坳村綠色導賞團 第二團已經喺5月尾順利完成 ! 由香港知專設計學院 HKDI - Hong Kong Design Institute HKDI Landscape Architecture 園境建築高級文憑講師Vega、村民協哥同列哥擔任導賞員,帶領團友深入虎地坳村,探索村內樹木品種及自然生態 。雖然有少少落雨,但都無阻大家想喺虎地坳村「尋寶」嘅決心!呢度有好多大家耳熟能詳但又好少見到嘅樹種,當大家見到牛油果樹、麒麟果樹、可可豆樹等,都不期然「嘩!嘩!」聲!
「升級再造青年木工班」— 木工基礎班W2已經完課啦 ! 同學跟隨Faculty of Craft 手作館 嘅導師李Sir學習傳統榫卯技術,親手製作全入榫木凳及收納木盒畀有需要人士。稍後我哋企劃就會將所有木作品分別捐贈畀香港青年協會賽馬會祥華青年空間、麥當勞叔叔之家慈善基金 Ronald McDonald House Charities 觀塘家舍及明愛賽馬會「提步向前」電腦捐贈計劃 Caritas Jockey Club 'One More Lap 所服務嘅基層人士。
今年嘅第一班木藝基礎班Class C1已經完課啦!多謝木碎好少年Chipgoodguy Studio 創辦人之一 Dave Ho Lok Chung擔任我哋木藝班嘅導師,教導一班木藝初哥製作咁好玩嘅魯班鎖同陀螺!稍後我哋企劃就會將所有魯班鎖同香港路德會社會服務處 HKLSS 服務嘅基層兒童。
本年度「樹遊香港」#虎地坳村綠色導賞團 第一團已經喺4月中順利完成! 由香港知專設計學院園境建築高級文憑講師Vega、村民協哥同列哥、植物專家小燕,以及熟悉村內歷史嘅建築師Solomon擔任導賞員,帶領團友深入虎地坳村,探索村內樹木品種及自然生態。唔少團友都表示此行獲益良多,除咗參觀到香港碩果僅存嘅傳統村落,欣賞到難得一見的天空之樹,更加可以認識到本土不同嘅樹木品種,仲深深感受到村民對自然生態保育嘅熱忱。
© 2024 賽馬會樹木再造青年共創計劃 All Rights Reserved.
Web Design By East Technologies