唔知大家知唔知我哋企劃每年有咩搞作呢? 帶大家去睇樹? 舉辦青年木工班? 其實賽馬會「樹木再造」青年共創企劃係由香港知專設計學院社會設計工作室主辦、香港賽馬會慈善信託基金捐助，係一個鼓勵青年共同創造嘅樹木升級再造及可持續發展計劃，希望透過融合社會創新設計同木工工藝，讓本地樹木資源重生，推動「人樹共融」社會理念。 為期三年嘅「樹木再造」企劃每年都會舉辦一系列嘅教育同社區活動，涵蓋三大範疇 – 認識本地樹木、轉化再造回收木及鼓勵社會共創。想知我哋每年會舉辦咩活動? 不如一齊去片了解更多啦!
2023年「樹木再造」年度展設計師 — Mani & Yin Mani同Yin之前就同我哋分享咗有關呢個展覽嘅設計概念，咁2位同學仔又希望嚟參觀展覽嘅朋友有咩得著呢？ Mani：今次展覽嘅主題係「人樹共融」，我哋當然希望透過呢個展覽，大家可以對樹木資源會有更多了解，發掘多啲樹木嘅變化，增加對環保嘅意識，同時亦希望大家可以多啲認識同關注香港本土木匠同木工藝。 Yin：我好同意Mani嘅講法，通過今次嘅展覽同展出嘅作品，例如升級再造嘅木製品，希望參觀者可以透過創新思維同設計，領略到將木材升級再造同傳統木工藝融合嘅樂趣，發現本地樹木資源嘅新價值，能夠逐漸將環保同永續發展融入生活中。 2位同學仔雖然年紀輕輕，但喺今次展覽中已經能夠將「人樹共融」主題透過佢哋嘅設計完美地展現喺大家眼前。相信今次展覽只係佢哋嶄露頭角之作，等我哋一齊期待佢哋之後嘅設計作品！
木工基礎及進階班 Class C及F 嘅同學為明愛元朗鄉郊社區發展計劃度身設計及製作嘅小組作品 – 儲物櫃同農作物苗架已經完成啦，12月嘅時候由我哋企劃嘅同事代表捐贈。
2023年「樹木再造」年度展設計師 — Mani & Yin 上回講到為咗呼應展覽主題「人樹共融」，Mani同Yin係設計中融入樹木作為主要嘅元素。其實唔單止咁㗎，佢哋喺用料選材上都花盡心思，以環保為大原則，貫徹宣揚環保、可持續發展嘅初心。 整個展區用上咗好多唔同嘅環保、循環再用嘅物料，Yin就特別向我哋介紹佢哋嘅得意之作 — 中小學校園「願・木」計劃展區。呢個展區最特別之處係，整組展櫃係由約30個回收紅酒木箱堆砌而成，用來展示「願・木」計劃參與學校嘅學生所DIY嘅回收木作品。 2位設計師天馬行空嘅創作力，諗到令紅酒木箱搖身一變成為展櫃，同中小學生嘅創意思維不謀而合，令呢個展區變得更獨一無二。 除咗紅酒木箱，原來搬運常用嘅卡板都可以循環再用為展板！Mani就話佢最難忘嘅就係「升級再造青年木工班」展區，利用卡板疊高成展示台，展示木工班學員嘅作品，例如多功能百寶箱、入榫小木櫈、回收酒箱木製收納盒等，令參觀者可以近距離接觸到呢啲木作品，更容易認識到升級再造呢個概念。 （待續）
木工基礎兼進階班 Class F 嘅同學為 麥當勞叔叔之家慈善基金 Ronald McDonald House Charities 觀塘家舍嘅暫住病童製作嘅紙巾盒已經完成啦，仲喺12月嘅時候由我哋企劃同事代表捐贈。
© 2025 賽馬會樹木再造青年共創計劃 All Rights Reserved.
Web Design By East Technologies
