今次導賞團有幸得到馬灣公園高級公園經理 Edmond Wong嘅支持及協助，Edmond更聯同香港中文大學和聲書院通識科老師左治強、香港知專設計學院 園境建築高級文憑講師Vega Shang、植物專家小燕一齊擔任導賞員，帶領參加者深入馬灣大自然公園，探索園內不同嘅樹木品種及自然生態 ，更參觀咗公園內嘅有機農莊及食用菇菌培植室。真係非常感謝四位嘅精彩導賞﹗ 雖然當日懸掛三號風球，但幸好天公造美，大家都可以跟住導賞員一齊喺園內開心遊歷。參加者更大讚導賞員嘅講解好生動有趣，令佢哋大開眼界、增長知識，仲好開心、好盡興！
賽馬會「樹木再造」青年共創企劃嘅年度展覽 –「樹木再造」成果展，現正喺銅鑼灣時代廣場舉行 ，展期至11月6日就完結啦，有興趣嘅朋友快啲把握機會過嚟參觀啦！ 今次展覽以「人樹共融」社會理念為主題 ，將會展出我哋企劃三年來嘅成果，希望大家可以對樹木升級再造及可持續發展嘅概念有更多嘅認識。展品包括「升級再造青年木工班」一眾青年學員嘅作品、中小學校園「願˙木」計劃參與學校嘅學生作品等，我哋仲擺放咗輕木工體驗工作坊嘅小玩意，大家仲可以用回收木製一弦結他即席彈奏一曲。 日期：即日至6/11/2024 時間：10:00am – 10:00pm 地址：銅鑼灣時代廣場 (銅鑼灣港鐵站A出口) 參觀費用全免，無須預約
木工基礎班 Class W4同學為香港小童群益會服務嘅基層人士製作咗美觀而實用嘅回收紅酒箱木製收納盒，9 月尾嘅時候呢批木作品已由我哋企劃嘅同事代表捐贈，並將會送贈到有需要嘅人士手上。
「升級再造青年木工班」木工進階班 Class WA1 嘅同學為香港青年協會賽馬會祥華青年空間服務嘅學童製作咗美觀又實用嘅摺疊式工作枱，已經喺8月中由我哋企劃同事代表捐贈。
「升級再造青年木工班」木藝基礎班 Class C3嘅同學為基督教勵行會嘅服務使用者製作咗好好玩嘅木製陀螺，已經喺9月尾嘅時候由我哋企劃同事代表捐贈予基督教勵行會。
© 2024 賽馬會樹木再造青年共創計劃 All Rights Reserved.
Web Design By East Technologies
