各位朋友仔嚟咗中環H6 CONET睇我哋嘅作品展未呢?未嚟唔緊要,展覽為期4星期,去到11月1號,仲有時間!展覽會展出由青年「木匠101」木工入門基礎班及「木匠201」木工進階班、親子輕木工體驗工作坊、中小學校園「願・木」計劃嘅一班參加者升級再造創作出嚟嘅木工作品!例如:月餅盒木製結他、木製爆旋陀螺、回力激鬥戰車等等!所有作品任玩唔嬲!等你嚟試下用月餅盒木製結他彈奏一曲!
早前MM和表哥棘龍仔參加咗賽馬會「樹木再造」青年共創計劃主辦嘅月餅盒木製結他工作坊,導師環保爸爸Norman 主持嘅工作坊,絕無冷場, 而且互動性強,好玩之餘,又能激發大小朋友嘅創意,和讓大家認識到廢棄樹木再造嘅可能性!
上星期六嘅月餅盒木製結他工作坊順利完成!中秋節過後,屋企有好多月餅盒唔知點處理?多謝環保爸爸的設計生活教家長同小朋友利用回收木及月餅盒去共同創作出獨一無二嘅一弦吉他!睇得又彈得!我哋仲即場嚟咗個大合奏,一齊彈Twinkle Twinkle Little Star添啊!
「木匠101」木工入門基礎班 Class C-F已經圓滿結束!同學仔好用心咁為小朋友同長者製作安全又實用嘅全人手製入榫小木櫈、手提工具箱!日前由我哋企劃嘅同事作為代表,捐贈成品畀 沒有年齡的課室 A Classroom Without Age !沒有年齡的課室喺由社福機構和悅會 Woopie Club 主辦嘅一個跨代學習平台,將幼兒服務融入長者服務中,透過「2+1學習模式」,令幼兒同長者喺互動中建設彼此嘅互助感,促進世代之間嘅了解同尊重,推動跨代連結!我哋好榮幸可以喺咁嶄新同有意義嘅Project中出一份力!小朋友可以坐喺木櫈仔上堂,長者可以將啲日用品收納喺箱仔!
同學仔大讚 Faculty of Craft 手作館 導師李sir嘅教學淺易明白、內容充實,而且李sir同助教都好用心咁教每一位同學仔!李sir都話同學仔好乖!所以送咗積木畀同學仔做結業禮物,希望同學仔keep住嗰份對木工嘅熱情!
© 2024 賽馬會樹木再造青年共創計劃 All Rights Reserved.
Web Design By East Technologies