上星期六嘅月餅盒木製結他工作坊順利完成！中秋節過後，屋企有好多月餅盒唔知點處理？多謝環保爸爸的設計生活教家長同小朋友利用回收木及月餅盒去共同創作出獨一無二嘅一弦吉他！睇得又彈得！我哋仲即場嚟咗個大合奏，一齊彈Twinkle Twinkle Little Star添啊！
「木匠101」木工入門基礎班 Class C-F已經圓滿結束！同學仔好用心咁為小朋友同長者製作安全又實用嘅全人手製入榫小木櫈、手提工具箱！日前由我哋企劃嘅同事作為代表，捐贈成品畀 沒有年齡的課室 A Classroom Without Age ！沒有年齡的課室喺由社福機構和悅會 Woopie Club 主辦嘅一個跨代學習平台，將幼兒服務融入長者服務中，透過「2+1學習模式」，令幼兒同長者喺互動中建設彼此嘅互助感，促進世代之間嘅了解同尊重，推動跨代連結！我哋好榮幸可以喺咁嶄新同有意義嘅Project中出一份力！小朋友可以坐喺木櫈仔上堂，長者可以將啲日用品收納喺箱仔！
同學仔大讚 Faculty of Craft 手作館 導師李sir嘅教學淺易明白、內容充實，而且李sir同助教都好用心咁教每一位同學仔!李sir都話同學仔好乖!所以送咗積木畀同學仔做結業禮物，希望同學仔keep住嗰份對木工嘅熱情!
「木匠101」木工入門基礎班 Class A & B 嘅同學仔好用心咁為基層兒童製作迴力車及運動機!小朋友收到後都玩得好開心!日前由我哋企劃嘅同事作為代表，捐贈成品畀牛頭角區街坊福利會 ，由社福機構代為贈送畀受眾作為中秋禮物!希望咁多位小朋友鍾意呢份中秋禮物!
「樹遊香港」北區綠色導賞團 第六團，亦都係今年度最後一團，順利完成!今團唔少團友帶埋專業相機，影低北區公園內嘅一草一木!希望大家從就讀 IVE Health and Life Sciences(Sha Tin) Tree Management 保育及樹木管理嘅學生生態導賞員 嘅樹木導賞中，學習分辨唔同樹木嘅樹葉!中午我哋去咗 獅藝館農莊茶座 Lion House Club 食Lunch，老闆同我哋分享傳統舞獅文化 !小朋友食完飯仲去咗隔離嘅小農場餵羊仔!下晝去咗參觀 志記鎅木廠Chi Kee Sawmill & Timber ，用相機去記錄低志記嘅一木一瓦，佢地將於9月13日清拆，如果有興趣自行前往嘅朋友仔，可以留意佢哋Facebook ! 今年嘅綠色導賞團反映非常熱烈，多謝大家嘅大力支持!所以我哋出年會繼續舉辦綠色導賞團，想知去邊睇樹？就記得like & follow我哋啦!
© 2024 賽馬會樹木再造青年共創計劃 All Rights Reserved.
Web Design By East Technologies
