木工進階班 Class WA2 及 木藝進階班 Class CA2嘅同學們為CFSC 基督教家庭服務中心「想你有支援」緊急護老服務製作實用而精美嘅廁紙盒及收納座，較早前已由我哋企劃嘅同事代表捐贈予基督教家庭服務中心，並將會送贈到有需要嘅護老者手上，希望收到嘅護老者會鍾意。
「升級再造青年木工班」— 木工基礎班Class W4完成啦！多謝手作館嘅導師李Sir擔任我哋木工班嘅導師，教導同學們各種木工基礎技術，包括工具使用、材料選擇以及基本木工技巧。同學們更即場學以致用，親手製作咗入榫木櫈及收納木盒，充分展現同學們嘅耐心同努力！
今年嘅第三班木藝基礎班Class C3已經完課啦！多謝木碎好少年Chipgoodguy Studio創辦人之一 Dave Ho Lok Chung 擔任我哋木藝班嘅導師，教導一班木藝新手製作既益智又好玩嘅魯班鎖同木製陀螺！稍後我哋企劃就會將所有魯班鎖同陀螺分別捐贈畀 和悅會 Woopie Club及基督教勵行會 服務嘅基層長者及兒童。
木工基礎班 Class W3同學為香港基督教服務處服務嘅基層家庭製作咗實用嘅入榫木櫈及回收紅酒箱木製收納盒，較早前呢批木作品已由我哋企劃嘅同事代表捐贈，並將會送到有需要嘅家庭手上。
今年嘅第二班 木藝基礎班Class C2已經完課啦！多謝木碎好少年Chipgoodguy Studio 創辦人之一 Dave Ho Lok Chung 擔任我哋木藝班嘅導師，教導一班木藝初哥製作咁好玩嘅魯班鎖同木製陀螺！ 稍後我哋企劃就會將所有魯班鎖同陀螺捐贈畀循道衛理中心服務嘅基層兒童。
© 2024 賽馬會樹木再造青年共創計劃 All Rights Reserved.
Web Design By East Technologies
