「樹遊香港」北區綠色導賞團 第二團順利完成！上上星期打風去唔成，好彩上星期天公作美！參加者都盛讚我哋IVE Health and Life Sciences (Sha Tin) Tree Management 保育及樹木管理嘅學生生態導賞員 準備充足、講解清晰，令大家更了解本地嘅原生古樹，對同學仔嚟講係好大嘅鼓勵！中午我哋去咗獅藝館農莊茶座 Lion House Club食午飯，老闆仲好熱情咁同我哋介紹餐廳內嘅獅頭裝飾！下晝去咗探訪志記鎅木廠Chi Kee Sawmill & Timber，如果大家有留意開佢哋同阡陌之間，就會知道志記將會被隨時清拆，今團好有可能係我哋最後一次去探佢哋。志記宜家誠邀社會各界人士去木廠購買木材，希望令木材得以重生，如果大家有興趣，歡迎去佢哋Facebook了解！
「木匠101」木工入門基礎班第一堂順利完成！由自己親手打磨、揼釘，成功製作發射器同陀螺，一齊鬥下，真係特別有滿足感！宜家社會物資富裕，想買爆旋陀螺可以去玩具舖，但木碎好少年Chipgoodguy Studio Co-founder Dave Ho Lok Chung 教我哋原來可以善用身邊嘅木資源，製作出獨一無二嘅玩具！仲可以送畀兒童社福機構，同小朋友一齊分享創作嘅樂趣！
「樹遊香港」北區綠色導賞團第一團今日順利完成！多謝各位咁投入參與！希望大家透過朝早喺北區公園由修讀 IVE Health and Life Sciences (Sha Tin) Tree Management 保育及樹木管理嘅學生生態導賞員講解嘅樹木導賞，對本地樹木品種多咗少少了解！中午我哋去咗獅藝館農莊茶座 Lion House Club食飯，好多打卡位，仲有羊咩咩添！下午去咗探訪香港歷史悠久嘅鎅木廠 — 志記鎅木廠Chi Kee Sawmill & Timber ，多謝權哥非常精彩嘅分享！
世上所有文化中，樹木一直與人類有著感知，生物和情感上密切的連繫。樹木除了為我們提供食物，庇蔭及潔淨空氣，亦默默見證我們短促的存在，它們終其一生紮根在同一處。然而，樹和人同樣受到生命的限制，持續面臨環境損害帶來的生存危機，皆因人類不斷消耗，輕率發展。空氣質素、森林砍伐、城市發展和氣候變化正威脅樹木的未來，2018年的強烈颱風山竹連吹毀55,000棵樹，響起警號，留下不能磨滅的記憶。是次展覽重塑樹木在我們日常生活中扮演重要角色，探索最前沿的方式保護、保育、栽種樹木，確保後代能繼續享受樹木的美好。
小編喺上星期五6月17日有幸參加由 發展局 Development Bureau 主辦、THEi 香港高等教育科技學院 及其他機構合辦嘅「香港2022國際城市林務研討會」樹木工作實地考察活動。由 IVE Health and Life Sciences (Sha Tin) Tree Management 樹木管理嘅Lecturer星級講解城市樹木護理，分享咗好多得意有趣嘅樹木故仔，小編仲學識咗點用目測法去檢查下樹木健唔健康添！經過今次嘅活動，小編日後會更加留意同關心我哋嘅「城市森林」！
© 2024 賽馬會樹木再造青年共創計劃 All Rights Reserved.
Web Design By East Technologies
