3/8嘅回收木製弓箭工作坊已經順利完成! 多謝環保爸爸的設計生活 Norman教大家利用回收紅酒木箱嘅隔層木板，結合雪條棍、衣夾等回收材料製作出既環保又好玩嘅弓箭。大家仲喺自己把弓箭上自由繪畫，創作出極具個人特色的弓箭！
3/8 嘅回收木製風力車工作坊已經順利完成! 多謝環保爸爸的設計生活 Norman嘅悉心指導，令小朋友可以喺家長嘅協助下，利用回收木條，結合回收飲品包裝去創作出獨一無二嘅風力車。家長同小朋友都好開心，玩得盡興之餘，又學到環保知識！
木工基礎班 Class W2 嘅同學為麥當勞叔叔之家慈善基金會Ronald McDonald House Charities觀塘家舍嘅暫住病童製作嘅入榫木櫈已經完成啦，仲喺7月頭嘅時候由我哋企劃同事代表捐贈。
「升級再造青年木工班」— 木工基礎班Class W3已經喺7月尾完課啦！多謝Faculty of Craft手作館嘅導師李Sir擔任我哋木工班嘅導師，李Sir話估唔到有咁多位女同學對木工有興趣。同學仔紛紛表示木工班內容豐富實用，發現學木工真係訓練到專注度同耐性，同時大家都話做木工真係好好玩。
「升級再造青年木工班」木工基礎班 Class W2 嘅同學為香港青年協會賽馬會祥華青年空間服務嘅基層人士製作咗入榫木櫈，已經喺7月頭由我哋企劃同事代表捐贈。
© 2025 賽馬會樹木再造青年共創計劃 All Rights Reserved.
Web Design By East Technologies
